Caisteal Inbhir Garadh, Loch Oich

Tha Caisteal Inbhir Garadh mu leth-mhìle an ear air Inbhir Garadh air cladaichean Loch Oich, Siorrachd Inbhir Nis. Chaidh an dealbh seo de thobhta a' chaisteil a thogail bho thaobh thall na loch anns a' chiad leth dhen 20mh linn le M.E.M. Donaldson.<br /> <br /> Chaidh an caisteal a thogail aig toiseach na 17mh linn agus 's e na Dòmhnallaich a thog e. Chaidh a losgadh leis an t-Seanailear Monck ann an 1654 ach chaidh a thogail às ùr agus a neartachadh. Fhuair feadhainn eile sealbh air rè àr-a-mach nan Seumasach ann an 1715 agus thadhail Am Prionnsa Teàrlach air rè àr-a-mach 1745. Ann an 1746, chaidh an caisteal a sgrios le feachdan Diùc Chumberland agus cha deach ath-thogail riamh.<br /> <br /> Rugadh an neach-togail-dhealbh , Màiri Ethel Muir Donaldson, ann an 1876 agus thàinig i chun na Gàidhealtachd mu 1908. Shiubhail i mun cuairt ceann a tuath agus taobh an iar na Gàidhealtachd, a' sgrIdheobhadh agus a' togail dhealbhan. Eadar 1912 agus 1949 rinn i iomadach leabhar air eachdraidh sòisealta agus cleachdaIdhean an t-sluaigh ann an ceann a tuath agus taobh an iar na Gàidhealtachd. 'S iad 'Wanderings in the Western Highlands and Islands' agus 'Further Wanderings - Mainly in Argyll' an dà leabhar as ainmeile a rinn i agus tha a dealbhan fhèin anns na leabhraichean sin. Chaochail i ann an taigh-eiridinn ann an Dùn Èideann ann an 1958 agus chaidh a tìodhlacadh anns an Òban <br /> <br /> <br /> Faodar an dealbh seo a cheannach.<br /> Airson tuilleadh fiosrachaidh mu cheannach is prìsean, cuir post-d gu: <a href="mailto: photographic.archive@highlifehighland.com">Highland Photographic Archive</a>