Tràighean Geala Mhòrair

Tha 'Tràighean Geala Mhòrair' far costa an iar Mhòrair mu choinneimh Linne Shlèite. Mar phàirt de 'Slighe nan Eilean', tha luchd-turais air fàs measail air an sgìre mun cuairt Àrasaig, gu h-àraid bhon a chaidh Rathad-iarainn Leudachaidh na Gàidhealtachd an Iar (an West Highland Extension Railway) a thogail ann an 1901. Chaidh an sgìre a chleachdadh ann an iomadh film cuideachd leithid 'Local Hero' agus 'Highlander'. <br /> <br /> Rugadh an dealbhadair, Mary Ethel Muir Donaldson, ann an 1876 agus thàinig i don Ghàidhealtachd mu 1908. Rinn i tòrr siubhail ann an ceann a tuath agus air taobh siar na Gàidhealtachd a' sgrìobhadh agus a' togail dhealbhan. B' e Rubha Àird nam Murchan fear de na h-àiteachan a b' fheàrr leatha agus b' ann an sin a rinn i a dachaigh ann an Sanna ann an 1927.<br /> <br /> Eadar 1912 agus 1949, sgrìobh Miss Donaldson iomadh leabhar mu eachdraidh shòisealta agus mu chleachdaidhean na Gàidhealtachd. 'S e 'Wanderings in the Western Highlands and Islands' agus 'Further Wanderings - Mainly in Argyll' as ainmeile agus tha dealbhan annta a rinn i fhèin. Chaochail i ann an dachaidh-cùraim ann an Dùn Èideann ann an 1958 agus chaidh a tìodhlacadh anns an Òban <br /> <br /> <br /> Faodar an dealbh seo a cheannach.<br /> Airson tuilleadh fiosrachaidh mu cheannach is prìsean, cuir post-d gu: <a href="mailto: photographic.archive@highlifehighland.com">Highland Photographic Archive</a>