Members of the London Scottish Regiment

Ann an 1859 phàigh Comann Gàidhealach Lunnainn agus Comann Albannach Lunnainn airson Buidheann Saor-thoileach nan Gunnaichean a stèidheachadh. Air an ceann bha Fo-cheannard Còirneal, Iarla Elcho, a thàinig an uairsin gu bhith na Iarla Wemyss (Earl Wemyss agus March). Cho-dhùin e an cur ann an èideadh glas air sgàth nach biodh buaireadh ann mu thartain nan cinnidhean. Aig àm Cogadh Afraga a Deas chuir an Rèiseamaid saighdearan saor thoileach a shabaid còmhla ri na Gòrdanaich. Tha an t-urram "Afraga a Deas 1900-1902 air suaicheantas Rèiseamaid Albannach Lunnainn.<br /> <br /> Rè a' chiad chogaidh b'e a' chiad Bhuidheann-catha de dh'Albannaich Lunnainn a' chiad Bhuidheann-catha de shaighdearan coise a chaidh a shabaid ri na Gearmailtich ann am Messines air an 31mh dhen Damhair 1914. Bha iad a'sabaid san Fhraing agus ann am Flanders fad a' chogaidh. Chaidh an dara Buidheann-catha a-null thairis ann an 1916. Bha iad san Fhraing, anns na Balcans agus ann am Palestine. Bha iad an làthair nuair a ghlacadh Ierusalem air an 9mh dhen Dubhlachd 1917.<br /> <br /> Aig àm an dàrna cogaidh chaidh a'chiad Bhuidheann-catha còmhla ris an 8mh roinn airm a dh' Afraga a Tuath agus bha iad an sàs nuair a chaidh iad a-steach a Shisilidh agus an uair a bhathas a' strì ri na h-Eadailtich. Mu dheireadh bha iad mar phàirt dhen Arm a bha stèidhiche ann an Treiste. 'S ann ag amas air itealain a bha an trìtheamh Baiteailean. An dèidh a bhith ann am Blàr Bhreatainn a' dìon Lunnainn bho itealain cogaidh, chaidh iad a shabaid ann an Sisilidh agus anns an Eadailt, gu math tric mar Làmhachas Blàir . <br /> <br /> <br /> Faodar an dealbh seo a cheannach.<br /> Airson tuilleadh fiosrachaidh mu cheannach is prìsean, cuir post-d gu: <a href="mailto: photographic.archive@highlifehighland.com">Highland Photographic Archive</a>