Earrann de Rathad-iarainn Inbhir Garadh is Cille Chuimein

Seo dealbh de Rathad-iarainn Inbhir Garadh is Cille Chuimein.<br /> <br /> Bha Rathad-iarainn Inbhir Garadh agus Cille Chuimein a' ceangal Drochaid an Aonachain (air loidhne na Gàidhealtachd an Iar) agus Cille Chuimein. Chaidh an Achd a bha a' toirt cead an rathad-iarainn a thogail aontachadh ann an 1896 agus dh'fhosgail an loidhne anns an Iuchar 1903. Bha an loidhne air a h-obrachadh le Rathad-iarainn na Gàidhealtachd (Highland Railway) airson a' chiad còig bliadhna agus bho 1908 gus an do dhùin i ann an 1947 bha i air a h-obrachadh le Rathad-iarainn an NB (North British). Sguir seirbheisean luchd-siubhail ann an 1933. <br /> <br /> Bha na stèiseanan a leanas air an loidhne: Drochaid an Aonachain (ceann-rèile), Geàrr-Lòchaidh, Àrd-ùrlar Inbhir Ghlaoidh, Inbhir Garadh, Obar Chaladair, Cille Chuimein, Cidhe Chille Chuimein.<br /> <br /> Bha e san amharc gum b' e seo a' chiad pàirt de cheangal rèile eadar An Gearastan agus Inbhir Nis ach cha d' fhuair e na b' fhaide na Cille Chuimein air sgàth eas-aonta eadar Rathad-iarainn na Gàidhealtachd an Iar agus an NB air aon taobh agus Rathad-iarainn na Gàidhealtachd air an taobh eile. <br /> <br /> <br /> S dòcha gum bi an ìomhaigh seo ri faotainn airson a ceannach.<br /> Airson tuilleadh fiosrachaidh mu cheannach is mu phrìsean cuir post-d gu:<br /> <a href="mailto: photographic.archive@highlifehighland.com">Highland Photographic Archive</a><br />