Ostail Bhalach Eilginn, Port Rìgh, An t-Eilean Sgitheanach

Thogadh Ostail Eilginn, a dhealbh fear Seumas Shearer, ann am Port Rìgh tràth sna 1930an gus àitean-fuirich a chumail ri balaich Àrd-sgoil Phort Rìgh. Aig an àm seo, bha sgìre mhòr fharsaing air Àrd-sgoil Phort Rìgh le sgoilearan a' tighinn ann às Uibhist a Tuath, Na Hearadh, Eilean Eige, Sòdhaigh cho math ri coimhearsnachdan iomallach air feadh an Eilein Sgitheanaich.<br /> <br /> Chaidh Ostail Eilginn fhosgladh gu h-oifigeil air 12ra Sultain 1933 leis an Diùc is Ban-diùc Iorc, a thadhail rè an turais air snìomhairean is breabaidearan Phort nan Long, is air Caisteal Dùn Bheagain far an d' fhuair iad aoigheachd Sir Reginald MhicLeòid, 27 Ceann-cinnidh Chlann MhicLeòid.<br /> <br /> An dèidh dha leasachadh a dhèanamh air rathaidean an Eilein Sgitheanaich, agus àrd-sgoiltean gan togail sna h-Eileanan a-muigh, cha robh uiread de dh'iarrtas ann airson àitean-fuirich dha sgoilearan. Chaidh an togalach a chur gu feum as ùr mar phàirt de dh'Àrd-sgoil Phort Rìgh. Thathas an-dràsta ga chleachdach airson Foghlam Coimhearsnachd, agus e na dhachaigh do Ionad- Tasgaidh an Eilein Sgitheanaich is Loch Aillse <br /> <br /> <br /> S dòcha gum bi an ìomhaigh seo ri faotainn airson a ceannach.<br /> Airson tuilleadh fiosrachaidh mu cheannach is prìsean, cuir post-d gu: <a href= "mailto: skyeandlochalsh.archives@highlifehighland.com" >Skye and Lochalsh Archives</a>