Togalaichean air Stràid an Acadamaidh, Inbhir Nis

Tha Sràid an Acadamaidh air an robh an t-Sràid Ùr roimhe, a' faighinn ainm o sheann togalach Acadamaidh Rìoghail Inbhir Nis. Bha i air a cleachdadh mar sgoil gu 1895, nuair a ghluas an Acadamaidh gu Rathad Midmills.<br /> <br /> Tha an togalach, anns a bheil taigh-seinnse Èireannach an seo, air oisean Sràid an Acadamaidh agus Sràid an Ròis. Chaidh a dhealbhacadh ann an 1893 leis na h-ailtirean Ros agus Mac Bheatha à Inbhir Nis, mar bhathar thaighean do Fhùirneis Sràid an Ròis.<br /> <br /> Chaidh an fhùirneis a stèidheachadh ann an 1872. 'S e 'The Northern Agricultural Implement and Foundry Company Limited' a bh' air an toiseach. A thuilleadh air innealan àiteachais a dhèanamh, bhathar ag obair air Rèile na Gaidhealtachd is a' dèanamh obair-iarainn airson thogalaichean a bh' air an deilbh leis an ailtire Alasdair Ros. B' e A I Welders a thugadh air Fùirneis Sràid an Ròis na b' anmoiche