Tha an taigh-croite seo na shuidhe ann am Borgh na Sgiotaig, coimhearsnachd croitearachd an taobh a tuath Rubha Thròndairnis san Eilean Sgitheanach. ‘S e fear de na taighean tradaiseanta air an eilean, ach tha glè bheag dhiubh a chithear an-diugh. Chaidh a thogail ann an 1880, còmhla ri grunn eile dhiubh, airson nam bràithrean Gilleasach agus bha cuideigin a’ fuireach ann gu ruig 1980. Chaidh e an uair sin gu seilbh Urras Naiseanta na h-Alba. Chaidh tughadh ùr a chur air agus chaidh a chàradh. An-diugh tha e na thaigh do luchd-fèin-biathaidh agus ‘s e Taigh Pheutain (Beaton’s Cottage) a th’ air.