Cunntasan co-cheangailte ri tìodhlaigeadh Ghilleasbaig Bàillidh, 1817

'S e teaghlach à Inbhir Nis a bha a' fuireach anns an sgìre o mheadhan an 15mh linn a bh' ann am Bàillidhean Dhùn Eathain. Ged a bha an t-oighreachd aca beag an taca ri mòran de phrìomh theaghlaichean na Gàidhealtachd, bha àite sònraichte aca am-measg uachdarain na Gàidhealtachd.<br /> <br /> Tha cruinneachadh mòr de phàipearan an teaghlaich ann an Tasglann Comhairle na Gàidhealtachd.Tha iad a' dèiligeadh ris an àm mu 1760-1860.<br /> <br /> Tha an sgrìobhainn seo a-measg chruinneachadh de chunntasan is chuidhteasan (receipts) mu thìodhlaigeadh Ghilleasbaig (Archy) Bàillidh, a bhàsaich ann an 1817. 'S e cunntas a th' ann le liosta de na bha ri phàigheadh airson na ceàird is gnìomhachasan a bha an sàs anns an tìodhlaigeadh. A-measg na chaidh a chosg bha cairtean tìodhlaigidh, eilitriom, dinnear an tìodhlaigidh, anart uaighe is fìon-geur (air a chleachdadh mar lionn glanaidh)