Tha Eaglais Paraiste Chille Mhàrtainn ann an Gleann Chille Mhàrtainn dìreach tuath air Ceann Loch Gilb ann an Earra-Ghàidheal, a' dol air ais gu 1835 ach tha i air a togail air làrach cràbhach gu math nas tràithe. Tha aon de na cruinneachaidhean as motha de chlachan-uaghach shnaighte ann an Alba san eaglais seo agus sa chill, a' dol air ais bho 1300 gu 1700. Tha an t-eisimpleir seo bho na meadhan linntean de ghaisgeach ann an armachd le a shleagh air a thaisbeanadh còmhla ri grunn eile ann an togalach cloiche sa chladh. Tha an seòrsa dealbhaidh a th' air coltach ri snaigheadh na Gàidhealtachd an Iar anns a' 14mh agus sa 15mh linn, agus gheibhear eisimpleirean den aon seòrsa ann an Orasaigh, Eilean Idhe agus Cnapadal