Dealbh-camara, air a thogail ann an 1965, de dh'fhèill a' chruidh ann an Staoineibrig, Uibhist a Deas. 'S e baile beag sgapte air cost an iar Uibhist a Deas a th' ann an Staoineibrig, a tha na laighe naoi mìle an iar air Loch Baghasdail. Air tulachan a tha nas lugha na 100m on tràigh an iar air Staoineibrig tha seann leac na seasamh gu àirde 2 mheatair, 's tha 40 cm de leud innte aig a bonn agus tighead de 23cm. Ged a tha a h-uile coltas de chrois oirre, le aon ghàirdean air briseadh air falbh aig an t-sìde, gu fìrinneach 's e clach nàdarra a th' innte.