Ùrachadh mu Dheireadh 03/08/2018
Google pluspinterestShare on Stumble UponShare on RedditFacebookShare on Tumblr
TIOTAL
Togail Drochaid an Dòrnaidh
EXTERNAL ID
PC_RAMSAY_053
ÀITE
An Dòrnaidh
SGÌRE
Taobh an Iar Dheas Rois
SIORRACHD/PARRAIST
ROS: Loch Aillse
LINN
1930an
CRUTHADAIR
William J Ramsay
NEACH-FIOSRACHAIDH
William J Ramsay
AITHNEACHADH MAOINE
29746
KEYWORDS
An Dòrnaidh
drochaid
togalach
cìsean
Dornie Bridge Construction

Chaidh Drochaid an Dòrnaidh, a tha suidhichte far a bheil Loch Dubhthaich, Loch Aillse agus Loch Long a' coinneachadh, fhosgladh gu h-oifigeil Dimàirt 30mh Giblean 1940 an àite aiseag a bha a' frithealadh An Dòrnaidh, Àird Eilbh agus An Tobhtaig.

Nuair a chaidh a' phròiseact a mholadh aig deireadh nan 1920an, bha sgaradh sa choimhearsnachd eadar iadsan a bha deimhinneach mun togail gus an t-slighe a Chaol Loch Aillse agus Eilean a' Cheò a dhèanamh nas ruigsinniche, agus iadsan a bha a' faireachdainn gum milleadh an drochaid na seallaidhean mun cuairt air Caisteal Eilean Donnain agus leis am b' fheàrr rathad ùr, a bhiodh a' leantainn Loch Long agus a' ceangal suas leis an rathad a dh'Inbhir Nis.

Bha grunn dhuilgheadasan ri faighinn os cionn fhathast, a' gabhail a-steach cur an aghaidh dealbhadh na drochaid agus am feum a bha air spang fosglaidh, gus dèanamh cinnteach gum fanadh Loch Long fosgailte mar shlighe-uisge obrachail. Le toiseach an Dàrna Cogadh Mòr dh'fhàs na h-àireamhan de luchd-obrach gann, a' cur tuilleadh maill sa phròiseact.

Chaidh neach-obrachaidh drochaid, Mghr Iain C Mac Mhathain à Uachdar Tìre, fhastadh sa Mhàrt 1940 le pàigheadh seachdainneach de £3.10t. Bha aige ri fuireach san Dòrnaidh agus a bhith a' frithealadh gach latha bho 7m gu 11f, agus cuideigin freagarrach a chur na àite mura biodh e fhèin ann.

Bha 750 troigh de dh'fhad san structair fhèin, le slighe rathaid de 16½ troigh, agus slighe coiseachd de 5 troighean. Bha e air a chumail suas le 15 spangan concrait neartaichte, le slighe uisge saor de 40 troigh.

Thàinig cìsean gu bith air 1 Cèitean 1940, ach chaidh an leigeil seachad ann an 1946. Chaidh drochaid dà-fhillte mòran nas motha a chur an àite na drochaid seo ann an 1991.

Tha an dealbh seo a' sealltainn na drochaid agus i gu bhith crìochnaichte. Tha na taighean air a' chùl nam pàirt de bhaile an Dòrnaidh, leis an rathad mhòr an cois an locha.
Aig àm togail na drochaid sgrìobh neach-seilbh taigh-òsta an Dòrnaidh grunn thursan gu Comataidh nan Rathaidean Mòra a' gearain gu robh an togail a' dèanamh cron air a ghnothachas. B' iad sin gu robh cus trafaig air beulaibh an taigh-òsta, call àite parcaidh agus bacadh air na seallaidhean. Tha an dealbh seo a' sealltainn gu soilleir cho dlùth agus a bha an drochaid dhan Taigh-òsta agus tuigidh duine mar a bha an t-òstair a' faireachdainn gu robh gearanan glè iomchaidh aige. Chaidh airgead dìoghalaidh iarraidh a thaobh nan agairtean sin, ach cho-dhùin a' Chomataidh an dèidh beachdachadh air an t-suidheachadh air fad, gun dìoghaltas a cheadachadh

Airson stiùireadh mu bhith a’ cleachdadh ìomhaighean agus susbaint eile, faicibh duilleag ‘Na Cumhaichean air Fad.’
’S e companaidh cuibhrichte fo bharantas clàraichte ann an Alba Àir. SC407011 agus carthannas clàraichte Albannach Àir. SC042593 a th’ ann an High Life na Gàidhealtachd.
Powered by Capture

Togail Drochaid an Dòrnaidh

ROS: Loch Aillse

1930an

An Dòrnaidh; drochaid; togalach; cìsean

William J Ramsay

William J Ramsay Archive

Chaidh Drochaid an Dòrnaidh, a tha suidhichte far a bheil Loch Dubhthaich, Loch Aillse agus Loch Long a' coinneachadh, fhosgladh gu h-oifigeil Dimàirt 30mh Giblean 1940 an àite aiseag a bha a' frithealadh An Dòrnaidh, Àird Eilbh agus An Tobhtaig.<br /> <br /> Nuair a chaidh a' phròiseact a mholadh aig deireadh nan 1920an, bha sgaradh sa choimhearsnachd eadar iadsan a bha deimhinneach mun togail gus an t-slighe a Chaol Loch Aillse agus Eilean a' Cheò a dhèanamh nas ruigsinniche, agus iadsan a bha a' faireachdainn gum milleadh an drochaid na seallaidhean mun cuairt air Caisteal Eilean Donnain agus leis am b' fheàrr rathad ùr, a bhiodh a' leantainn Loch Long agus a' ceangal suas leis an rathad a dh'Inbhir Nis.<br /> <br /> Bha grunn dhuilgheadasan ri faighinn os cionn fhathast, a' gabhail a-steach cur an aghaidh dealbhadh na drochaid agus am feum a bha air spang fosglaidh, gus dèanamh cinnteach gum fanadh Loch Long fosgailte mar shlighe-uisge obrachail. Le toiseach an Dàrna Cogadh Mòr dh'fhàs na h-àireamhan de luchd-obrach gann, a' cur tuilleadh maill sa phròiseact.<br /> <br /> Chaidh neach-obrachaidh drochaid, Mghr Iain C Mac Mhathain à Uachdar Tìre, fhastadh sa Mhàrt 1940 le pàigheadh seachdainneach de £3.10t. Bha aige ri fuireach san Dòrnaidh agus a bhith a' frithealadh gach latha bho 7m gu 11f, agus cuideigin freagarrach a chur na àite mura biodh e fhèin ann.<br /> <br /> Bha 750 troigh de dh'fhad san structair fhèin, le slighe rathaid de 16½ troigh, agus slighe coiseachd de 5 troighean. Bha e air a chumail suas le 15 spangan concrait neartaichte, le slighe uisge saor de 40 troigh.<br /> <br /> Thàinig cìsean gu bith air 1 Cèitean 1940, ach chaidh an leigeil seachad ann an 1946. Chaidh drochaid dà-fhillte mòran nas motha a chur an àite na drochaid seo ann an 1991.<br /> <br /> Tha an dealbh seo a' sealltainn na drochaid agus i gu bhith crìochnaichte. Tha na taighean air a' chùl nam pàirt de bhaile an Dòrnaidh, leis an rathad mhòr an cois an locha. <br /> Aig àm togail na drochaid sgrìobh neach-seilbh taigh-òsta an Dòrnaidh grunn thursan gu Comataidh nan Rathaidean Mòra a' gearain gu robh an togail a' dèanamh cron air a ghnothachas. B' iad sin gu robh cus trafaig air beulaibh an taigh-òsta, call àite parcaidh agus bacadh air na seallaidhean. Tha an dealbh seo a' sealltainn gu soilleir cho dlùth agus a bha an drochaid dhan Taigh-òsta agus tuigidh duine mar a bha an t-òstair a' faireachdainn gu robh gearanan glè iomchaidh aige. Chaidh airgead dìoghalaidh iarraidh a thaobh nan agairtean sin, ach cho-dhùin a' Chomataidh an dèidh beachdachadh air an t-suidheachadh air fad, gun dìoghaltas a cheadachadh