Pàirc Adacamh Rìoghail Inbhir Nis

Stèidhicheadh an sgoil ann an 1792, a' gabhail àite sgoil-ghràmair a' bhaile, aig an robh ceangal ris an sgoil-sheinn aig Manachainn Inbhir Nis. Bha an togalach ann an Sràid an Acadamaidh, air an robh An t-Sràid Ùr roimhe sin. Fhuair an sgoil cairt rìoghail on treas Rìgh Deòrsa an 1793, agus 's e sin na dh'adhbhraich am facal 'Rìoghail' na h-ainm. Tha a' chairt ri fhaicinn anns an Acadamaidh.<br /> <br /> Anns na 1890an ghabh na Stiùirichean feart de dh'iomraidhean-sgrùdaidh agus thuig iad nach robh an togalach a bha ann freagarrach don fhoghlam a bha a dhìth anns an latha sin. Thòisich iad air togalach ùr a dhealbhachadh. Thaghadh an làrach ann an Sgìre a' Chrùin o roghainn de dhiofar àiteachan. Ged nach robh mòran a thogail an sin gu ruige sin, bha rathad furasta don làraich o chionn gun robh i aig bàrr Bràigh Stiophain agus Sràid Stiophain.<br /> <br /> B' iad a' chompanaidh-ailtireachd às an sgìre Ross and Macbeth a ghabh seo os làimh. (Tha Alasdair Ross on ghnìomhachas sin ainmeil o chionn is gun do dhealbhaich e Cathair-Eaglais an Naoimh Anndra an Inbhir Nis.) Leagadh a' chlach-bhunait air ant-27mh Ògmhios 1893 leis an Àrd-Mhaighstir de Chlachairean na h-Alba, Iarla Haddington. Bha fèill ann nuair a dh'fhosgladh an togalach ùr air 25mh Gearran 1895.<br /> <br /> Bha an togalach aig Muilnean a' Mheadhain an gnìomh gus anmoch anns an 1970an, nuair a thogadh sgoil ùr aig Cùl Dubhuillt. Tha an togalach an lùib Colaiste Inbhir Nis a-nis.<br /> <br /> Thogadh an dealbh seo uaireigin anns na 10 bliadhnaichean no mar sin aig toiseach an 20mh linn. Anns an dealbh seo chan eil ach aon bhalach air a bheil fèileadh: tha briogais ghoirid air càch