Làrach Boma ann an Inbhir Uige

Anns an deilbh seo de dh' Inbhir Uige, chithear làrach far an deach bomaichean a leigeil air tìr-mòr Bhreatainn rè an latha airson a' chiad turais anns an dara Cogadh. Air 1 Iuchar 1940, a' chiad latha de na saor-làithean sgoile, bha mòran cloinne a' cluich faisg air na bùithtean ann am Bank Row, Lower Pultneytown. Chaidh 21 sìobhaltach, 11 duine cloinne nam measg, a mharbhadh anns an sgìre seo le bomaichean a chaidh a leigeil air cidhe Inbhir Uige ach a chaidh air iomrall. <br /> <br /> Cha deach an làrach a sgioblachadh as dèidh a' chogaidh agus is e fearann fàs a tha air a bhith ann bhon uairsin. Tha a' choimhearsnachd a-nis air maoin fhaighinn gus an làrach a cheannach agus gus Gàradh Sìthe Cuimhne a thogail. Bidh àite cluich sònraichte ann do chloinn, mar chuimhneachan air a' chlann a bhàsaich nuair a chaidh na bomaichean a leigeil. Thèid na toglaichean faisg air làimh a thogail as ùr mar ionad iomairt òigridh. Chaidh an dealbh seo a thoirt seachad le Donnchadh is Elsie Cormack. <br /> <br /> Rinn sgoilearan à Bun-sgoil Pennyland, Inbhir Theòrsa, agallamh còmhla riuth mar phàirt de phròiseact 'Maoir rannsachaidh a' Chogaidh' ann an 2005. Chaill Elsie dithis de a peathraichean ann am bomadh Inbhir Uige