Ùrachadh mu Dheireadh 21/09/2017
Google pluspinterestShare on Stumble UponShare on RedditFacebookShare on Tumblr
Lady Anne Mackintosh

B' e baintighearna Anna Nic an Tòisich (1723-1787) bean Aonghais, Ceann-cinnidh Mhic an Tòisich. A dh'aindeoin 's gun robh an duine aice a' sabaid ann an arm an riaghaltais aig àm an 1745, chruinnich i Clann an Tòisich agus Clann Chatain airson a dhol a shabaid air taobh a' Phrionnsa le Mac'IlleBhràth Dhùn MhicGlais air an ceann. Thug iad am far-ainm oirre 'An Còirneal Anna' agus tha e air a aithris gun tug am Prìonnsa Teàrlach 'La Belle Rebelle' (an Reubal Bòidheach) oirre.
Goirid an dèidh Blàr na h-Eaglaise Brice bha am Prionnsa a' fuireach aig Taigh Mòigh, dachaigh a' bhaintighearna Anna, nuair a thàinig fios gu robh feachdan an riaghaltais a' dol a thoirt ionnsaigh orra. Chuir am baintighearna còignear dhe na searbhantan aice a-mach le gunnaichean gus am biodh iad a' dèanamh tòrr fuaim agus ag èigheachd glaodh cogaidh nan cinnidhean, a' toirt a chreidsinn air feachd an riaghaltais gun robh iad air tachairt air arm nan Seumasach. Dh' obraich seo agus theich na saighdearan. Thugadh Ruaig na Mòighe air an seo.

An dèidh Blàr Chùil Lodair chaidh am baintighearna Anna a chur an grèim agus bha i ann an cùram a màthar cèile airson greis.

Greis an dèidh sin nuair a bha i aig dannsa còmhla ris an duine aice ann an Lunnainn, thachair i ri Diùc Chumberland. Dh'iarr e oirre dannsa ri port a bha a' moladh an riaghaltais, ach chuir i car dhan chuibhle nuair a dh'iarr ise air fhèin a-rithist a dhol a dhannsa ri port Seumasach.

Chaidh an dealbh a thoirt às 'A History of the Scottish Highlands, Highland Clans and Highland Regiments vol. 1' deasaichte le Iain S. Keltie

Airson stiùireadh mu bhith a’ cleachdadh ìomhaighean agus susbaint eile, faicibh duilleag ‘Na Cumhaichean air Fad.’
’S e companaidh cuibhrichte fo bharantas clàraichte ann an Alba Àir. SC407011 agus carthannas clàraichte Albannach Àir. SC042593 a th’ ann an High Life na Gàidhealtachd.
Powered by Capture

A' bhan-tighearna Anna Nic an Tòisich

1870an

A' Bhan-tighearna Anna Nic anTòisich; Clann an Tòisich; cinnidhean; Seumasaich; muinntir Hanòbhair; blàir; Ruaig na Mòighe; Cùil Lodair; Clann Chatain; Am Prionnsa Teàrlach; Teàrlach Eideard Stiùbhart

Leabharlainn na Gàidhealtachd

Fraser Mackintosh Collection (illustrations)

B' e baintighearna Anna Nic an Tòisich (1723-1787) bean Aonghais, Ceann-cinnidh Mhic an Tòisich. A dh'aindeoin 's gun robh an duine aice a' sabaid ann an arm an riaghaltais aig àm an 1745, chruinnich i Clann an Tòisich agus Clann Chatain airson a dhol a shabaid air taobh a' Phrionnsa le Mac'IlleBhràth Dhùn MhicGlais air an ceann. Thug iad am far-ainm oirre 'An Còirneal Anna' agus tha e air a aithris gun tug am Prìonnsa Teàrlach 'La Belle Rebelle' (an Reubal Bòidheach) oirre. <br /> Goirid an dèidh Blàr na h-Eaglaise Brice bha am Prionnsa a' fuireach aig Taigh Mòigh, dachaigh a' bhaintighearna Anna, nuair a thàinig fios gu robh feachdan an riaghaltais a' dol a thoirt ionnsaigh orra. Chuir am baintighearna còignear dhe na searbhantan aice a-mach le gunnaichean gus am biodh iad a' dèanamh tòrr fuaim agus ag èigheachd glaodh cogaidh nan cinnidhean, a' toirt a chreidsinn air feachd an riaghaltais gun robh iad air tachairt air arm nan Seumasach. Dh' obraich seo agus theich na saighdearan. Thugadh Ruaig na Mòighe air an seo.<br /> <br /> An dèidh Blàr Chùil Lodair chaidh am baintighearna Anna a chur an grèim agus bha i ann an cùram a màthar cèile airson greis.<br /> <br /> Greis an dèidh sin nuair a bha i aig dannsa còmhla ris an duine aice ann an Lunnainn, thachair i ri Diùc Chumberland. Dh'iarr e oirre dannsa ri port a bha a' moladh an riaghaltais, ach chuir i car dhan chuibhle nuair a dh'iarr ise air fhèin a-rithist a dhol a dhannsa ri port Seumasach. <br /> <br /> Chaidh an dealbh a thoirt às 'A History of the Scottish Highlands, Highland Clans and Highland Regiments vol. 1' deasaichte le Iain S. Keltie