Baile Chaolais

Tha Baile Chaolais ann an trì earrainnean. Tha Baile Chaolais fhèin beagan nas mòtha agus tha e ri lorg air bruaichean a deas Loch Lìobhainn, an iar air Gleanna Comhann. Tha bailtean Baile Chaolais a Tuath agus Baile Chaolais a Deas air gach taobh de Loch Lìobhainn far a bheil e gu math nas cuinge.<br /> <br /> Bha aiseag eadar Bailtean a Deas 's a Tuath cho tràth ri 1730 agus bha aiseag chàraichean ann bho 1912 gu 1975 nuair a chaidh an drochaid rathaid a thogail.<br /> <br /> B' e 'Laroch' an t-ainm a bh' air clachan mòr Bhaile Chaolais fhèin an toiseach ach thug cuaraidh nan sglèat an t-ainm air a' bhaile troimh thìde.<br /> <br /> Faisg air a' chidhe ann am Baile Chaolais a Deas tha carragh ann a tha a' comharrachadh an àite far an deach Seumas Stiùbhart a chrochadh airson 'Murt Apainn'. B' e seo murt Cailean Chaimbeul Ghleann Iubhair, fear air nach robh mòran dhaoine measail, air sgàth gun deach a chur ann na shiamarlan air oigreachd Lochiall agus air dùthaich Stiùbhartaich Apainn nuair a chaidh an talamh a thoirt bhuapa an dèidh Aramach nan Seumasach ann an 1745. Thathas teagmhach fhathast an robh Seumas Stiùbhart ciontach den mhurt no nach robh.<br /> <br /> Chaidh an dealbh seo a thoirt à 'Prospects and Observations on a Tour in England and Scotland' le Tòmas Newte