Peairt

Chaidh Peairt, ann am meadhan na h-Alba, a stèidheachadh aig ìre as àirde an làin air Abhainn Tatha. Bhathas air an làrach seo a thuineachadh an toiseach ann an Linn nan Ròmanach ann an 83AD, nuair a bha an gearastan Bertha anns an àite seo.<br /> <br /> Bha làmh an uachdair aig an làraich seo air na feachdan a chaidh tro bhaile Pheairt thar nan linntean. Aig àm Cogadh na Saorsa bha Peairt aig na Sasannaich gus an d' fhuair Raibeart am Brus e ann an 1313. Chaidh taic a thoirt do na Cùmhnantaich, na Seumasaich agus Oilbhreis Crombail ann am Peairt. <br /> <br /> Air sgàth gun robh Peairt cho faisg air Sgàin far an robh cumhachd na h-Alba, bhathas am beachd gum biodh e na phrìomh bhaile na h-Alba. Cha do thachair oir, ann an 1437, chaidh Seumas I a mhurt ann am Peairt agus an dèidh don Rìgh Seumas II a chrùnadh, aig sia bliadhna a dh'aois, thug a mhàthair e a Dhùn Eideann seach gun robh i a' faireachdainn gun robh e na bu shàbhailte.<br /> <br /> Thòisich Ath-leasachadh na h-eaglais ann an Alba nuair a rinn Iain Knox searmon ann an Eaglais an Naoimh Eòin ann am baile Pheairt.<br /> <br /> 'S e 'The Fair City' ainm eile a bhios air Peairt air sgàth an Innis a Tuath agus Innis a Deas, dà phàirc sa bhaile.<br /> <br /> Chaidh an dealbh seo a thoirt às an leabhar aig T. Garnett 'Observations on a tour through the Highlands'