Ùisdean Mac a' Mhuilleir

Rugadh Ùisdean Mac a' Mhuilleir ann an Cromba ann an 1802. Bhàsaich athair, a bha na chaiptean mara, nuair a bha Ùisdean 5, ach dh'fhàg e airgead gu leòr airson foghlam a mhic.<br /> <br /> Thòisich Ùisdean a chùrsa-beatha mar chlachair, ach nuair a rinn duslach na cloiche cron air na sgamhain aige, dh'obraich e mar chlachair charraighean cuimhne is an uairsin mar chlàrc banca ann an Dùn Èideann. Bha ùidh aige ann an geòlas, is dh'fhoillsich e leabhraichean mun chuspair. Nuair a bha e ann an Dùn Èideann, thòisich càirdeas eadar e fhèin is Ruairidh MacMhuirich, an geòlasaiche.<br /> <br /> 'S e cùisean eaglaiseil a' phrìomh ùidh eile a bh'aig Ùisdean. B' e deasaiche an iris shoisgeulaich 'The Witness' is b' e fear de na ceannardan air taobh na h-Eaglaise Shaoire aig àm an Dealachaidh ann an 1843. Bha na beachdan cràbhach aige an aghaidh nam beachd-smuaintean mu mheanbh-chinneas a bha a' tighinn am follais.<br /> Thug uallach is strì na bheatha is na obair, is na droch sgamhain aige, buaidh air, is chuir Ùisdean às dha fhèin ann an 1856, nuair a bha e a' fulang le trom-inntinn.<br /> <br /> Chaidh an dealbh seo a thoirt o 'Annals of the Disruption; with extracts from the narratives of Ministers who left the Scottish Establishment in 1843', leis an Urr Tòmas MacGilleDhuinn (1893)