Eaglais agus Cladh Ros Mhaircnidh

'S ann o 1821 a tha Eaglais na Paraiste ann an Ros Mhaircnidh, ach chaidh a togail air an ionad far an robh a' chiad Chathair-eaglais Sgìr-easbaig Rois, a chaidh a thogail san 12ra linn aig àm Daibhidh l. Mu 1235 ghluais iad ionad na cathair-eaglais dhan Chananaich.<br /> <br /> Ach tha iad ag ràdh gur ann o làithean na bu thràithe a tha ionad na cathair-eaglais ann an Ros Mhaircnidh, cho fad air ais ris an t-6mh linn, nuair a stèidhich an Naomh Maol Luag à Lios Mòr, miseanaraidh aig an Eaglais Cheiltich, àite-fuirich Crìosdail san sgìre seo. Bhàsaich Maol Luag ann an 592 agus tha seanchas ann ag ràdh gur ann ann an Ros Mhaircnidh a chaidh a thiodhlacadh. Timcheall air 716, 's e an Naomh Boniface a thàinig na cheannard air manachainn Ros Mhaircnidh. Tha esan air a chuimhneachadh ann an dualchasan na sgìre - leithid Fèill an Naoimh Boniface sa Mhanachainn - agus ann an ainmean àiteachan - leithid Tobar an Naoimh Boniface, tobar 'clootie' ainmeil ri taobh an rathaid eadar An Todhar agus Bun Lòchaidh.<br /> <br /> Chaidh diofar phìosan de chloich shnaidhte Phiocach agus leacan croise an lorg timcheall air an eaglais ann an Ros Mhaircnidh, nam measg leac-croise eireachdail Clas ll a chithear ann an Taigh-tasgaidh Ghroam <br /> <br /> <br /> S dòcha gum bi an ìomhaigh seo ri faotainn airson a ceannach. Airson tuilleadh fiosrachaidh mu cheannach is mu phrìsean cuir post-d gu:<br /> <a href="mailto: admin@groamhouse.org.uk">Groam House Museum</a>