Litir gu R. R. Herbert, An Fhraing, bho Alasdair Grannd, 1893, duilleag 1

B' ann à Batan Gorm, Drochaid Chàrr, a bha Alasdair Grannd (1856 - 1942), is 's e sin an t-adhbhar gun d' fhuair e am far-ainm - 'Battan'. Nuair a bha e na bhalach chuir e eòlas air dà rud a bha gu bhith air leth cudromach na bheatha - fìdhlearachd agus iasgach. Chaidh e air adhart gu bhith air leth math air gach rud; mar iasgair nuair a chruthaich e an slat-iasgaich iongantach aige fhèin ris an canar an 'Grant Vibration Rod', agus mar fhìdhlear le bhith a' stiùireadh Comann Srath Spè agus Ruidhle na Gàidhealtachd airson faisg air dà fhichead bliadhna agus thànaig e gu bhith na eòlaiche air dòighean cruthachaidh fhìdhlean. A thuilleadh air an sin chruthaich e fidheall sònraichte ann an cruth diosg ris an canar an 'Rondello'. Chithear eisimpleir den t-slat-iasgaich, an fhidheall agus an Rondello aig a' Ghranndach aig Taigh-tasgaidh agus Gailearaidh Ealain Inbhir Nis (IMAG).<br /> <br /> Ghluais an Granndach a dh'Inbhir Nis ann an 1887 gus gnìomhachas slait agus uidheam iasgaich a stèidheachadh air Caolshràid Baran Mhic an Tàilleir. Bha bùth ghruagaire aig cùl an togalaich. Chaidh an litir seo (leis a' cheann-latha 9 An Gearran 1893) a sgrìobhadh nuair a bha an Granndach aig Caolshràid Baran Mhic an Tàilleir. Tha i a' freagairt ceist o 'R. R. Fitz Herbert Esq.', Biarritz, An Fhraing. Tha fiosrachadh mu thogail, prìs agus beachd air deit lìbhrigidh slatan-iasgaich a' Ghranndaich anns an litir