Ùrachadh mu Dheireadh 22/05/2017
Google pluspinterestShare on Stumble UponShare on RedditFacebookShare on Tumblr
TIOTAL
Tom Johnston aig Fosgladh Oifigeil Stèisean Cumhachd Drochaid Nòsdaidh
EXTERNAL ID
GB232_RAMSAY_D893_1_1_043
ÀITE
Drochaid Nòsdaidh
SGÌRE
Taobh an Iar Dheas Rois
SIORRACHD/PARRAIST
ROS: Loch Aillse
DEIT
21 An Dùbhlachd 1948
LINN
1940an
NEACH-FIOSRACHAIDH
Ionad Tasglainn an Eilein Sgitheanaich & Loch Aillse
AITHNEACHADH MAOINE
8439
KEYWORDS
dealan-uisge
Drochaid Nosdaidh
Loch Aillse
Tom Johnston
Tom MacIain
A' Bh-Uas Dorothy NicRath
stèisean cumhachd
Tom Johnston at the Official Opening of Nostie Bridge Power Station

Anns an dealbh seo tha Tom Johnston a' dèanamh òraid aig fosgladh oifigeil stèisean cumhachd dealan-uisge Drochaid Nòsdaidh aig cuirm còmhla ri daoine cudromach às an sgìre agus buill de Bhòrd Dealan-uisge Cheann a Tuath na h-Alba. Na bu thràithe air an latha, bha Johnston agus buill a' bhùird an làthair aig tachartas eile gus an stèisean cumhachd ann am Mòrar, Siorrachd Inbhir Nis fhosgladh. Chaidh iad an uair sin air bàta-smùid eadar Malaig agus Caol Loch Aillse agus shiubhail iad air an rathad an uair sin gu Drochaid Nòsdaidh.

Choilean fosgladh nan stèiseanan cumhachd seo miann agus lèirsinn Johnston gus dealan saor a thoirt don Ghàidhealtachd. Dh'aithris Courier Inbhir Nis gun tuirt Johnston 'for the first time in a hundred years they were developing and marketing the economic resources of the Highlands in such a way as to provide amenity, economic profit and hope for the local population'. Thuirt Johnston gun robh an àireamh de dhachaighean a bha ag iarraidh dealan gu math àrd, le 85% de na dachaighean ann am Mòrar agus 90% ann an Loch Aillse air ceangail ris an dealan. Thuirt Johnston gun robh an fhèill air dealain air dearbhadh nach robh e fìor nach robh na Gàidheil ag iarraidh dealan no gun robh iad toilichte le seann lampaichean ola. Cha robh an fhèill air dealan cho àrd fiù's anns na bailtean mòra 's a bha anns an dà sgìre Ghàidhealach seo.

Bha pròiseact Dealan-uisge Cheann a Tuath na h-Alba airson sgìre Loch Aillse stèidhichte ann an Drochaid Nòsdaidh, sia mìle bho Chaol Loch Aillse. Thòisich an obair ann an 1946 às dèidh tachartas sònraichte gus a' chiad pòla dealain a chur suas sa Chèitean, agus thòisich an stèisean air dealan a chruthachadh ann an 1948. Bha dà dham anns na planaichean tùsail ach fhuaireadh a-mach nach robh an talamh freagarrach airson seo agus chaidh aon dam a thogail air Allt Gleann Udalain. Chaidh an loch-tasgaidh, dam agus stèisean cumhachd a thogail aig an aon àm ris an lìonra sgaoilidh dealain. Chaidh càballan fo-uisge thairis air Loch Dubhthaich, Loch Long, Loch Carrann agus Loch Aillse a thogail aig an aon àm cuideachd.

Chaidh Bòrd Dealan-uisge Cheann a Tuath na h-Alba a stèidheachadh fo Achd Leasachaidh Dealan-uisge (Alba) 1943. Chaidh am Bile a chur air adhart le Tòmas Johnston ann an Taigh nan Cumantan. Chuir e an cèill gum biodh e na fhuasgladh do chuid de na duilgheadasan a bha aig a' Ghàidhealtachd aig an àm tro bhith a' cleachdadh 'comas mòr falaichte na sgìre' ('the great latent power of the region'). Dh'inns e do na Cumantan 'gum biodh agus gum bu chòir gum biodh gnìomhachasan, an dà chuid prìobhaideach is poblach, a bhith air an tàladh don Ghàidhealtachd mar thoradh air an leasachadh seo' ('industries, whether owned nationally or privately, will be and ought to be, attracted to locations in the Highlands, as a result of this measure'.)

Bhiodh prìomhachas aig luchd-caitheimh àbhaisteach an toiseach agus an uair sin aig gnìomhachasan a bhathar an dùil a bhiodh a' cleachdadh tòrr mòr cumhachd. Bhiodh cumhachd sam bith nach deach a chleachdadh leis an luchd-cleachdaidh seo air a reic ris a' Ghriod Nàiseanta. Bhiodh prothaidean bho bhith a' reic an dealain air a chleachdadh gus na cosgaisean gus an dealan a chur gu àiteachan iomallach a chumail sìos agus gus cuideachadh le leasachaidhean sòisealta is eaconamach air a' Ghàidhealtachd. Bha an clàs sòisealta ainmeil seo ag aithneachadh gun robhar a' faicinn a' Bhùird mar dhòigh gus a' Ghàidhealtachd ath-bheothachadh, agus chan ann a-mhàin mar bhuidheann a bhiodh a' cruthachadh dealan

Bhathar an dùil gum biodh toradh an stèisein cumhachd ann an Loch Slòigh a' frithealadh iarrtas ann an meadhan na h-Alba agus taobh an iar na h-Alba. Bhiodh a' phrothaid bho dhealan sam bith a bharrachd air seo a rachadh a reic air a chleachdadh mar shubsadaidh do na sgeamaichean dealain ann am Mòrar agus Loch Aillse far nach robh e coltach gun dèanadh iad prothaid. B' e £4,600,000 prìs mheasraichte nan trì pròiseactan seo


Faodar an dealbh seo a cheannach.
Airson tuilleadh fiosrachaidh mu cheannach is prìsean, cuir post-d gu: Skye and Lochalsh Archives

Airson stiùireadh mu bhith a’ cleachdadh ìomhaighean agus susbaint eile, faicibh duilleag ‘Na Cumhaichean air Fad.’
’S e companaidh cuibhrichte fo bharantas clàraichte ann an Alba Àir. SC407011 agus carthannas clàraichte Albannach Àir. SC042593 a th’ ann an High Life na Gàidhealtachd.
Powered by Capture

Tom Johnston aig Fosgladh Oifigeil Stèisean Cumhachd Drochaid Nòsdaidh

ROS: Loch Aillse

1940an

dealan-uisge; Drochaid Nosdaidh; Loch Aillse; Tom Johnston; Tom MacIain; A' Bh-Uas Dorothy NicRath; stèisean cumhachd

Ionad Tasglainn an Eilein Sgitheanaich & Loch Aillse

William J Ramsay Archive

Anns an dealbh seo tha Tom Johnston a' dèanamh òraid aig fosgladh oifigeil stèisean cumhachd dealan-uisge Drochaid Nòsdaidh aig cuirm còmhla ri daoine cudromach às an sgìre agus buill de Bhòrd Dealan-uisge Cheann a Tuath na h-Alba. Na bu thràithe air an latha, bha Johnston agus buill a' bhùird an làthair aig tachartas eile gus an stèisean cumhachd ann am Mòrar, Siorrachd Inbhir Nis fhosgladh. Chaidh iad an uair sin air bàta-smùid eadar Malaig agus Caol Loch Aillse agus shiubhail iad air an rathad an uair sin gu Drochaid Nòsdaidh. <br /> <br /> Choilean fosgladh nan stèiseanan cumhachd seo miann agus lèirsinn Johnston gus dealan saor a thoirt don Ghàidhealtachd. Dh'aithris Courier Inbhir Nis gun tuirt Johnston 'for the first time in a hundred years they were developing and marketing the economic resources of the Highlands in such a way as to provide amenity, economic profit and hope for the local population'. Thuirt Johnston gun robh an àireamh de dhachaighean a bha ag iarraidh dealan gu math àrd, le 85% de na dachaighean ann am Mòrar agus 90% ann an Loch Aillse air ceangail ris an dealan. Thuirt Johnston gun robh an fhèill air dealain air dearbhadh nach robh e fìor nach robh na Gàidheil ag iarraidh dealan no gun robh iad toilichte le seann lampaichean ola. Cha robh an fhèill air dealan cho àrd fiù's anns na bailtean mòra 's a bha anns an dà sgìre Ghàidhealach seo. <br /> <br /> Bha pròiseact Dealan-uisge Cheann a Tuath na h-Alba airson sgìre Loch Aillse stèidhichte ann an Drochaid Nòsdaidh, sia mìle bho Chaol Loch Aillse. Thòisich an obair ann an 1946 às dèidh tachartas sònraichte gus a' chiad pòla dealain a chur suas sa Chèitean, agus thòisich an stèisean air dealan a chruthachadh ann an 1948. Bha dà dham anns na planaichean tùsail ach fhuaireadh a-mach nach robh an talamh freagarrach airson seo agus chaidh aon dam a thogail air Allt Gleann Udalain. Chaidh an loch-tasgaidh, dam agus stèisean cumhachd a thogail aig an aon àm ris an lìonra sgaoilidh dealain. Chaidh càballan fo-uisge thairis air Loch Dubhthaich, Loch Long, Loch Carrann agus Loch Aillse a thogail aig an aon àm cuideachd. <br /> <br /> Chaidh Bòrd Dealan-uisge Cheann a Tuath na h-Alba a stèidheachadh fo Achd Leasachaidh Dealan-uisge (Alba) 1943. Chaidh am Bile a chur air adhart le Tòmas Johnston ann an Taigh nan Cumantan. Chuir e an cèill gum biodh e na fhuasgladh do chuid de na duilgheadasan a bha aig a' Ghàidhealtachd aig an àm tro bhith a' cleachdadh 'comas mòr falaichte na sgìre' ('the great latent power of the region'). Dh'inns e do na Cumantan 'gum biodh agus gum bu chòir gum biodh gnìomhachasan, an dà chuid prìobhaideach is poblach, a bhith air an tàladh don Ghàidhealtachd mar thoradh air an leasachadh seo' ('industries, whether owned nationally or privately, will be and ought to be, attracted to locations in the Highlands, as a result of this measure'.)<br /> <br /> Bhiodh prìomhachas aig luchd-caitheimh àbhaisteach an toiseach agus an uair sin aig gnìomhachasan a bhathar an dùil a bhiodh a' cleachdadh tòrr mòr cumhachd. Bhiodh cumhachd sam bith nach deach a chleachdadh leis an luchd-cleachdaidh seo air a reic ris a' Ghriod Nàiseanta. Bhiodh prothaidean bho bhith a' reic an dealain air a chleachdadh gus na cosgaisean gus an dealan a chur gu àiteachan iomallach a chumail sìos agus gus cuideachadh le leasachaidhean sòisealta is eaconamach air a' Ghàidhealtachd. Bha an clàs sòisealta ainmeil seo ag aithneachadh gun robhar a' faicinn a' Bhùird mar dhòigh gus a' Ghàidhealtachd ath-bheothachadh, agus chan ann a-mhàin mar bhuidheann a bhiodh a' cruthachadh dealan <br /> <br /> Bhathar an dùil gum biodh toradh an stèisein cumhachd ann an Loch Slòigh a' frithealadh iarrtas ann an meadhan na h-Alba agus taobh an iar na h-Alba. Bhiodh a' phrothaid bho dhealan sam bith a bharrachd air seo a rachadh a reic air a chleachdadh mar shubsadaidh do na sgeamaichean dealain ann am Mòrar agus Loch Aillse far nach robh e coltach gun dèanadh iad prothaid. B' e £4,600,000 prìs mheasraichte nan trì pròiseactan seo <br /> <br /> <br /> Faodar an dealbh seo a cheannach.<br /> Airson tuilleadh fiosrachaidh mu cheannach is prìsean, cuir post-d gu: <a href= "mailto: skyeandlochalsh.archives@highlifehighland.com" >Skye and Lochalsh Archives</a>