Ùrachadh mu Dheireadh 05/01/2017
Google pluspinterestShare on Stumble UponShare on RedditFacebookShare on Tumblr
TIOTAL
Cucair ga thoirt gu Ceann Loch Damh
EXTERNAL ID
GB232_RAMSAY_D893_1_11_008
ÀITE
Ceann Loch Damh
SGÌRE
Loch Carrann
SIORRACHD/PARRAIST
ROS: A' Chomraich
LINN
1950an
NEACH-FIOSRACHAIDH
Ionad Tasglainn an Eilein Sgitheanaich & Loch Aillse
AITHNEACHADH MAOINE
8962
KEYWORDS
dealan-uisge
bhanaichean
cucairean
Cooker delivery to Kinloch Damph

Ro mheadhan nan 1950an bha dealan a' ruighinn ceàrnaidhean den Ghàidhealtachd a bha gu math iomallach le polaichean an dealain-uisge agus loidhnichean a' sìneadh thar mhìltean thar cheàrnaidhean far nach robh duine a' fuireach gus fiù 's na coimheasnachdan bu lugha a ruighinn. Ann an 1955 chaidh an dealan a chur air airson rubha na Comraich agus tuath gu Sìldeag. Le dealan a-nis ri fhaotainn bha daoine geur air cucairean, coireachan dealain agus innealan ùra eile fheuchainn. Bhon phrìomh sheòmar-taisbeanaidh ann an Caol Loch Aillse, thàinig bhanaichean an Dealan-uisge a' toirt bathar gu taighean gu bhith nan sealladh cumanta.

Tha an dealbh seo a' sealltainn dà neach-obrach aig an Dealan-uisge a' giùlan cucair tarsainn drochaid air an t-slighe gu taigh ann an Ceann Loch Damh. An dèidh am prìomh rathad fhàgail dh'fheumadh iad a' bhan fhàgail airson na mìltean mu dheireadh air ceum, thar dhrochaidean agus choilltean. Bhiodh an neach a bha a' faighinn an inneil ùir gun teagamh glè thaingeil air an oidhirp a chaidh a dhèanamh airson a thoirt chun an taigh. Gun teagamh b' e ceum fada mì-rèidh a bh' ann airson faighinn chun an taighe, agus a' smaoineachadh air na parsailean agus na pasgain a thathas a' toirt a-steach, bha e na phàirt de bheatha làitheil airson bathar fhaighinn gu na ceàrnaidhean iomallach sin.

Chaidh Bòrd Dealan-uisge Cheann a Tuath na h-Alba a stèidheachadh fo chumhachd Achd Leasachaidh Dealan-uisge (Alba) 1943. Chaidh am Bile a chur air adhart le fear Tòmas MacIain aig Taigh nan Cumantan. Chuir e an cèill gum biodh e na fhuasgladh do chuid bho dhuilgheadasan a bha aig a' Ghàidhealtachd aig an àm le bhith a' cleachdadh 'comas mòr falaichte na sgìre' ('the great latent power of the region'). Dh'inns e do na Cumantan 'gum biodh agus gum bu chòir gum biodh gnìomhachasan, an dà chuid prìobhaideach is poblach, a bhith air an tàladh don Ghàidhealtachd mar thoradh air an leasachadh seo' ('industries, whether owned nationally or privately, will be and ought to be, attracted to locations in the Highlands, as a result of this measure'.)

Bhiodh prìomhachas aig luchd-caitheimh àbhaisteach an toiseach agus an uair sin aig an fheadhainn a bhathas an dùil a chleachdadh tòrr mòr cumhachd. Dheigheadh cumhachd sam bith a bha air fhàgail a reic ris a' Ghriod Nàiseanta. Bhathas airson gun deigheadh prothaidean bho bhith a' reic an dealain seo a chleachdadh gus cosgaisean an lùib a bhith a' cumail dealan ri àiteachan iomallach a lùghdachadh agus gus cuideachadh a thoirt do leasachaidhean sòisealta is eaconamach air a' Ghàidhealtachd. Bha an clàs sòisealta ainmeil seo ag aithneachadh gun robhar a' coimhead air a' Bhòrd mar inneal ann a bhith a' toirt ath-bheothachadh air ceann a tuath na h-Alba, agus chan ann a-mhàin mar bhuidheann cruthachadh dealain.

Bhathar den bheachd gum biodh gu leòr cumhachd às an stèisean cumhachd air Loch Sloy, taobh an iar Loch Laomainn airson na bha a dhìth ann am meadhan agus taobh an iar na h-Alba. Bhiodh a' chumhachd a bharrachd air a chleachdadh gus taic a thoirt do na pròiseactan aig Mòrar agus Loch Aillse air sgàth 's nach biodh e buailteach gum biodh e comasach do na sgeamachan seo a bhith prothaideach. Bha cosgaisean togail nan trì phròiseactan seo air a thomhas aig £4,600,000


Faodar an dealbh seo a cheannach.
Airson tuilleadh fiosrachaidh mu cheannach is prìsean, cuir post-d gu: Skye and Lochalsh Archives

Airson stiùireadh mu bhith a’ cleachdadh ìomhaighean agus susbaint eile, faicibh duilleag ‘Na Cumhaichean air Fad.’
’S e companaidh cuibhrichte fo bharantas clàraichte ann an Alba Àir. SC407011 agus carthannas clàraichte Albannach Àir. SC042593 a th’ ann an High Life na Gàidhealtachd.
Powered by Capture

Cucair ga thoirt gu Ceann Loch Damh

ROS: A' Chomraich

1950an

dealan-uisge; bhanaichean; cucairean

Ionad Tasglainn an Eilein Sgitheanaich & Loch Aillse

William J Ramsay Archive

Ro mheadhan nan 1950an bha dealan a' ruighinn ceàrnaidhean den Ghàidhealtachd a bha gu math iomallach le polaichean an dealain-uisge agus loidhnichean a' sìneadh thar mhìltean thar cheàrnaidhean far nach robh duine a' fuireach gus fiù 's na coimheasnachdan bu lugha a ruighinn. Ann an 1955 chaidh an dealan a chur air airson rubha na Comraich agus tuath gu Sìldeag. Le dealan a-nis ri fhaotainn bha daoine geur air cucairean, coireachan dealain agus innealan ùra eile fheuchainn. Bhon phrìomh sheòmar-taisbeanaidh ann an Caol Loch Aillse, thàinig bhanaichean an Dealan-uisge a' toirt bathar gu taighean gu bhith nan sealladh cumanta.<br /> <br /> Tha an dealbh seo a' sealltainn dà neach-obrach aig an Dealan-uisge a' giùlan cucair tarsainn drochaid air an t-slighe gu taigh ann an Ceann Loch Damh. An dèidh am prìomh rathad fhàgail dh'fheumadh iad a' bhan fhàgail airson na mìltean mu dheireadh air ceum, thar dhrochaidean agus choilltean. Bhiodh an neach a bha a' faighinn an inneil ùir gun teagamh glè thaingeil air an oidhirp a chaidh a dhèanamh airson a thoirt chun an taigh. Gun teagamh b' e ceum fada mì-rèidh a bh' ann airson faighinn chun an taighe, agus a' smaoineachadh air na parsailean agus na pasgain a thathas a' toirt a-steach, bha e na phàirt de bheatha làitheil airson bathar fhaighinn gu na ceàrnaidhean iomallach sin.<br /> <br /> Chaidh Bòrd Dealan-uisge Cheann a Tuath na h-Alba a stèidheachadh fo chumhachd Achd Leasachaidh Dealan-uisge (Alba) 1943. Chaidh am Bile a chur air adhart le fear Tòmas MacIain aig Taigh nan Cumantan. Chuir e an cèill gum biodh e na fhuasgladh do chuid bho dhuilgheadasan a bha aig a' Ghàidhealtachd aig an àm le bhith a' cleachdadh 'comas mòr falaichte na sgìre' ('the great latent power of the region'). Dh'inns e do na Cumantan 'gum biodh agus gum bu chòir gum biodh gnìomhachasan, an dà chuid prìobhaideach is poblach, a bhith air an tàladh don Ghàidhealtachd mar thoradh air an leasachadh seo' ('industries, whether owned nationally or privately, will be and ought to be, attracted to locations in the Highlands, as a result of this measure'.)<br /> <br /> Bhiodh prìomhachas aig luchd-caitheimh àbhaisteach an toiseach agus an uair sin aig an fheadhainn a bhathas an dùil a chleachdadh tòrr mòr cumhachd. Dheigheadh cumhachd sam bith a bha air fhàgail a reic ris a' Ghriod Nàiseanta. Bhathas airson gun deigheadh prothaidean bho bhith a' reic an dealain seo a chleachdadh gus cosgaisean an lùib a bhith a' cumail dealan ri àiteachan iomallach a lùghdachadh agus gus cuideachadh a thoirt do leasachaidhean sòisealta is eaconamach air a' Ghàidhealtachd. Bha an clàs sòisealta ainmeil seo ag aithneachadh gun robhar a' coimhead air a' Bhòrd mar inneal ann a bhith a' toirt ath-bheothachadh air ceann a tuath na h-Alba, agus chan ann a-mhàin mar bhuidheann cruthachadh dealain.<br /> <br /> Bhathar den bheachd gum biodh gu leòr cumhachd às an stèisean cumhachd air Loch Sloy, taobh an iar Loch Laomainn airson na bha a dhìth ann am meadhan agus taobh an iar na h-Alba. Bhiodh a' chumhachd a bharrachd air a chleachdadh gus taic a thoirt do na pròiseactan aig Mòrar agus Loch Aillse air sgàth 's nach biodh e buailteach gum biodh e comasach do na sgeamachan seo a bhith prothaideach. Bha cosgaisean togail nan trì phròiseactan seo air a thomhas aig £4,600,000 <br /> <br /> <br /> Faodar an dealbh seo a cheannach.<br /> Airson tuilleadh fiosrachaidh mu cheannach is prìsean, cuir post-d gu: <a href= "mailto: skyeandlochalsh.archives@highlifehighland.com" >Skye and Lochalsh Archives</a><br />