Clachair ag obair air taigh na Mgdn NicDhòmhnaill

Thogadh an taigh aig MEM NicDhòmhnaill, Sanna Bheag, eadar 1925 agus 1927. B' i fhèin a dhealbh e a' cleachdadh nan taighean eile san sgìre mar stiùireadh. Bha na ballachan de chloich às an sgìre agus bha mullach tughaidh air. B' cuinneagan air an cur bun os cionn a bha sna poitean shimileir. Chaidh an taigh na theine ann an 1947.<br /> <br /> Rugadh M.E.M. Donaldson ann an 1876 agus thàinig i dhan Ghàidhealtachd mu 1908. Rinn i tòrr siubhail ann an ceann a tuath agus air taobh siar na Gàidhealtachd a' sgrìobhadh agus a' togail dhealbhan. B' e Rubha Aird nam Murchan fear dhe na h-àitean a b' fheàrr leatha agus b' ann an sin a rinn i a dachaigh ann an Sanna ann an 1927.<br /> <br /> Eadar 1912 agus 1949, sgrìobh Miss Donaldson iomadh leabhar mu eachdraidh shòisealta agus mu chleachdaidhean na Gàidhealtachd. 'S e 'Wanderings in the Western Highlands and Islands' agus 'Further Wanderings - Mainly in Argyll' as ainmeile agus tha dealbhan annta a rinn i fhèin. Chaochail i ann an taigh-eiridinn ann an Dùn Èideann ann an 1958 agus chaidh a tìodhlacadh anns an Òban <br /> <br /> <br /> Faodar an dealbh seo a cheannach.<br /> Airson tuilleadh fiosrachaidh mu cheannach is prìsean, cuir post-d gu: <a href="mailto: photographic.archive@highlifehighland.com">Highland Photographic Archive</a>