Tha tursachan Cruithneach nan nàdar de dhìomhaireachd. 'S dòcha gu bheil ciall nan samhlaidhean Cruithneach co-cheangailte ri creideamh no ri faoin-sgeòil. Ach, seach gu bheil na samhlaidhean glè thric ann am pàidhirichean, 's dòcha gu robh iad co-cheangailte ri teaghlaichean. Tha na trì as fheàrr dhen t-seòra seo air Rubha Thairbeirt air Machair Rois. Nam measg tha an tè seo ann am Baile a' Chnuic.
Mean air mhean, eadar 600 agus 800 AD, chaidh a' mhòr-chuid dhe na Cruithnich iompachadh gu bhith nan Crìosdaidhean. Bha na Cruithnich ainmeil airson chlachan snaidhte agus b' ann aig an àm seo a chaidh an dèanamh. 'S e clach Chruithneach a tha sa chrois-leac ann am Baile a' Chnuic ann an Cathabul. Tha i seo air a meas mar phrìomh obair ealain bhon 8mh agus an 9mh linn. Tha i air a sgeadachadh le samhlaidhean Cruithneach agus moitifean Crìosdail.
Tha lann dhùbailte agus slat-Z os cionn corran agus slat-v agus dà lann air a' phannal mhullaich. Tha buidheann mharcaichean air a' phannal sa mheadhan; 's e boireannach air dìollaid chliathaich a' marcachd ri taobh cuideigin eile a th' anns an t-sealladh seo. Tha sgàthan agus cèis cìre rin taobh. Tha deilbh shnìomhanach air a' phannal gu h-ìseal agus tha deilbh stuaidh a' dol suas aghaidh na cloiche air an dà thaobh
Brùth an seo airson an ìomhaigh a dhèanamh nas motha. Leugh an teacsa agus, an uair sin, freagair na ceistean a leanas.
Ceistean
- Dè tha na marcaichean san t-sealladh air a' phannal sa mheadhan a' dèanamh?
- Saoil càit' am faiceadh tu deilbh mar seo gan cleachdadh an-diugh?