Tha an dealbh seo bho 'Memoir of George Granville, late Duke of Sutherland, KG', le Seumas Loch
Bha Seòras Granville Leveson-Gower (1758-1833) bho theaghlach ainmeil Sasannach. Bha e na Bhall Pàrlamaid o 1778-1784 is 1787-1798, is b' e Tosgaire Bhreatainn ann am Paris o 1790 gu 1790. Ach, tha e air a chuimhneachadh airson rud fada nas miosa sa Ghàidhealtachd.
Phòs e Ealasaid, Ban-diùc Chataibh, ann an 1785. Chuir staid nan daoine ann an leth a-staigh Chataibh uabhas air, is bha e den bheachd nach beathaicheadh am fearann iad ro fhada. Thòisich e a' cur mhìltean de theaghlaichean Chataibh chun a' chladaich gus rùm a dhèanamh san leth a-staigh do chaoraich. Bha bàillidhean an Diùc neo-thruacanta san obair aca, a' losgadh iomadh taigh is a' cleachdadh cumhachd bhrùideil gus daoine a ghluasad. B' e fuadaichean Chataibh an fheadhainn a bu mhiosa de dh'fhuadaichean na Gàidhealtachd san 19mh linn.
Brùth an seo airson an ìomhaigh a dhèanamh nas motha. Leugh an teacs agus, an uair sin, freagair na ceistean a leanas..
Ceistean
- Carson a rinn Diùc Chataibh co-dhùnadh na daoine a shuidheachadh às ùr air an oirthir?
- Carson a bha mì-chliù cho mòr aig fuadaichean Chataibh?