Thàinig an dealbh seo bho 'A Tour in Scotland' le Tòmas Pennant.
Suidhichte an ceann an iar Eilean Mhuile nan Ìnnse Gall A-staigh, bha Eilean Idhe na ionad cudromach do Chrìosdaidheachd Cheilteach agus do thurasaichean naomha. Chaidh Cathair-eaglais Eilein Idhe a stèidheachadh anns an t-6mh linn le Colum Cille, miseanaraidh na Crìosdaidheachd Ceiltich. Chaidh i na manchainn tro na Meadhan-Linntean an dèidh dhan Eaglais Cheiltich a bhith air a slugadh leis an Eaglais Chaitligich. Bha an t-eilean naomh air a chleachdadh mar àite-adhlachaidh airson cuid de rìghrean na h-Alba, na h-Èireann is Nirribhidh.
Brùth an seo airson an ìomhaigh a dhèanamh nas motha. Leugh an teacsa agus, an uair sin, freagair na ceistean a leanas.
Ceistean
- Dè an togalach a tha a' toirt buaidh air sealladh-tìre an eilein?
- Dè tha thu a' mothachadh mu staid nan togalaichean?
- Carson nach eil an Eaglais Cheilteach ann tuilleadh?