Cleachd na ceangalan gu h-ìseal gus nithean co-cheangailte ris a lorg

AINM-ÀITE: Inbhir Nis
LINN: 1910an
SIORRAMACHD/PARRAIST: INBHIR NIS:Inbhir Nis 's Am Bànath
TABHARTAICHE: Lìonradh Thasglann na Gàidhealtachd
AINM A' CHRUINNEACHAIDH: The Highland Council Archive - Billheads
DEIT BHO THÙS: 1913

'S e seo an ceann-cunntais aig R. MacRath 's a Mhic, einnseanairean chàraichean agus maighstirean eich a' phuist. Chaidh an cunntas a chur a-mach ann an 1914.

Ann an 1878, thàinig Ruairidh MacRath on Mhanachainn agus Uilleam Dick on Chaisteal Ruadh còmhla mar chompàirtichean ann an gnothachas a bha a' tairgse, air mhàl, charbadan air an tarraing le eich. Bha iad cuideachd ag obair mar àite-dèiligidh a' phuist.

Nuair a nochd càraichean, bha ùidh aig MacRath is Dick chan ann a-mhàin ann an càraichean air mhàl, ach cuideachd ann a bhith gan reic agus gan seirbhiseachd cuideachd. Mar a dh'fhàs taobh seo na gnothachais, lùghdaich an taobh a bha ag obair le eich air mhàl agus leis a' phost. An-diugh, fhathast , 's i tè de na companaidhean as motha air feadh na Gàidhealtachd ann an gnothaichean chàraichean.

Chaidh cinn-chunntasan an cleachdadh ann an gnothaichean reic o mun cuairt air an 18mh linn gu meadhan an 20mh linn. Sna bliadhnaichean deireannach aca bha iad air a dhol a-steach nan ceann-litrichean cuideachd airson sgrìobhadh gu daoine. 'S ann às a' chairt-mhalairt, mar a dh'aithnicheadh e, a thàinig an ceann-cunntais agus a bharrachd air a bhith na chunntas òagus na chuidhteas, bha e cuideachd feumail na shanas gus companaidh a mholadh. Mar bu trice, air a' cheann-chunntais bhiodh ainm, ceàrd, comharra-ceàrd agus seòladh na companaidh. Bhiodh àireamh a' chunntais, fios mu phàigheadh, liosta den bhathar agus suim uile gu lèir, uile air an sgrìobhadh air. Bhiodh cuid de chinn-chunntasan ann air am biodh dealbh den bhùth no den fhactaraidh agus clàr den bhathar a bha iad a' reic, leithid adan, brògan no tombaca

Ma tha thu airson an rud fhèin fhaicinn no ma tha feum agaibh air barrachd fios coimhead air làrach-lìn na Tasglainn airson uairean fosglaidh. Lìonradh Thasglann na Gàidhealtachd