Cleachd na ceangalan gu h-ìseal gus nithean co-cheangailte ris a lorg

Sanas Taigh-cluiche Inbhir Nis airson Diluain an 4mh Iuchair 1842. 'S e an comadaidh 'The Rivals' prìomh tachartas na h-oidhche, le òran is dannsa le Mgr MacThòmais, Mh. Peel agus Mgr Watkins na dhèidh. Bha a' bhaoth-chluich 'Teddy Roe' air a shealltainn aig deireadh na h-oidhche. Chluich Mgr Mark 'Sir Peter Puddle (grosair a bh'air a dhreuchd a leigeil dheth)' agus chluich A' Bhph. J. Daly 'Sally Mumps (pìos àirneis chidsin)'.

Thòisich taisbeanadh na h-oidhche aig 7:30f agus bha prìsean nan suidheachan eadar tasdan anns a' ghaileiridh agus trì tasdanan anns na bocsaichean. Tha na briathran Laideann 'Vivant Regina Et Princeps' ('Beath' Fhada dhan Bhànrigh 's dhan Phrionnsa'), sgrìobhte aig bonn an t-sanais, mun Bhànrigh Bhictoria agus Prionnsa Albert.

Thathar ag ràdh gu robh a' chiad taigh-cluiche ann an Inbhir Nis ann an 1805 agus gun robh e air an t-sràid air an robh 'Lànaig an Taigh-cluiche' uaireigin, faisg air Sràid Inglis

Ma tha thu airson an rud fhèin fhaicinn no ma tha feum agaibh air barrachd fios coimhead air làrach-lìn na Tasglainn airson uairean fosglaidh. Lìonradh Thasglann na Gàidhealtachd