Cleachd na ceangalan gu h-ìseal gus nithean co-cheangailte ris a lorg

AINM-ÀITE: Torran
LINN: 20l
SGÌRE: Meadhan Earra-Ghàidheil
SIORRACHD/PARAISTE: EARRA-GHÀIDHEAL:Cille Mhàrtainn
TABHARTAICHE: Tasglann Dhealbhan-camara na Gàidhealtachd (IMAG)
AINM A' CHRUINNEACHAIDH: M E M Donaldson
DEALBHADAIR: M E M Donaldson

Tha an tursa mhòr seo 50m taobh an ear air taigh-tuathanais Thorran aig ceann an ear Loch Obha, Earra-Ghàidheal. Tha i ag èirigh gu 3.3m de dh'àirde. Tha crois air a dèanamh gu h-aotrom air an taobh an iar-thuath (ri fhaicinn an seo). Tha làrach-cupa air a' chrann air an làimh dheis den chrois. Chaidh an dealbh a thogail anns a' chiad phàirt den fhicheadamh linn le M.E.M. Donaldson.

Rugadh Màiri Ethel Muir Donaldson ann an 1876 agus thàinig i don Ghàidhealtachd timcheall air 1908. Shiubhail i air feadh taobh an iar agus taobh a tuath na Gàidhealtachd, a' sgrìobhadh agus a' togail dhealbhan. B' e Rubha Aird nam Murchan fear de na h-àitea a b' fheàrr leatha agus rinn i a dachaigh ann an Sanna ann an 1927.

Eadar 1912 agus 1949 dh'fhoillsich a' Bh-Uas Donaldson mòran leabhraichean mu eachdraidh shòisealta agus cleachdaidhean air taobh an iar agus tuath na Gàidhealtachd. 'S e dhà de na leabhraichean as ainmeile aice 'Wanderings in the Western Highlands and Islands' agus 'Further Wanderings - Mainly in Argyll' agus tha na dà dhiubh làn le na dealbhan aice fhèin. Chaochail i ann an taigh-altraim ann an Dùn Èideann ann an 1958 agus chaidh a tiodhlachadh anns an Òban.

Faodar an dealbh seo a cheannach.
Airson tuilleadh fiosrachaidh mu cheannach is prìsean, cuir post-d gu:
photographic.archive@highlifehighland.com

Faigh a-mach mun neach-togail-dhealbh - Mary Ethel Muir Donaldson