Cleachd na ceangalan gu h-ìseal gus nithean co-cheangailte ris a lorg

AINM-ÀITE: Ealaraidh
LINN: 20l
SGÌRE: Meadhan Earra-Ghàidheil
SIORRACHD/PARAISTE: EARRA-GHÀIDHEAL:Cnapadal a Deas
TABHARTAICHE: Tasglann Dhealbhan-camara na Gàidhealtachd (IMAG)
AINM A' CHRUINNEACHAIDH: M E M Donaldson
DEALBHADAIR: M E M Donaldson

A rèir beul-aithris thàinig Colm Cille a Chnapadal air a shlighe gu Dùn Àthad agus Ì. Air cladach Loch Chaolasport eadar An Uaghaidh agus Ealaraidh, tha tobhta Teampull Cholm Chille le Uamh Cholm Chille gu math faisg. Chaidh an dealbh seo de thaigh agus seada a thogail le M.E.M. Donaldson sa chiad leth dhen 20mh linn. Chithear altair cloiche air palla air an taobh sear dhen uamh. Tha croisean Criosdail air an snaidheadh os cionn na h-altarach.

Rugadh M.E.M. Donaldson ann an 1876 agus thàinig i dhan Ghàidhealtachd mu 1908. Rinn i tòrr siubhail ann an ceann a tuath agus air taobh siar na Gàidhealtachd a' sgrìobhadh agus a' togail dhealbhan. B' e Rubha Àird nam Murchan fear dhe na h-àitean a b' fheàrr leatha agus b' ann an sin a rinn i a dachaigh ann an Sanna ann an 1927.

Eadar 1912 agus 1949, sgrìobh Miss Donaldson iomadh leabhar mu eachdraidh shòisealta agus mu chleachdaidhean na Gàidhealtachd. 'S e 'Wanderings in the Western Highlands and Islands' agus 'Further Wanderings - Mainly in Argyll' as ainmeile agus tha dealbhan annta a rinn i fhèin. Chaochail i ann an taigh-eiridinn ann an Dùn Èideann ann an 1958 agus chaidh a tìodhlacadh anns an Òban

Faodar an dealbh seo a cheannach.
Airson tuilleadh fiosrachaidh mu cheannach is prìsean, cuir post-d gu:
photographic.archive@highlifehighland.com

Faigh a-mach mun neach-togail-dhealbh - Mary Ethel Muir Donaldson