Rugadh is thogadh Fionnlagh I MacDhòmhnaill sna Hearadh, ann am baile beag Sgarasta. Cha robh aige ach Gàidhlig nuair bha e òg, agus 's e Beurla a-mhàin a bh' aig an tidsear-sgoile sa bhaile. Chaidh a chunntas air beatha sna Hearadh ron chogadh a chlo-bhualadh a-rithist, ann am Beurla, ann an sreath de thrì leabhraichean: 'Crowdie and Cream' (1982); 'Crotal and White' (1983); agus 'The Corncrake and the Lysander' (1985).

Lean Fionnlagh dreuchd shoirbheachail na riochdaire rèidio de dhràma agus òraid, mus deach e na riochdaire telebhisein. Bha buaidh mhòr aige ann an craoladh Gàidhlig rèidio is telebhisean a chur air bhonn agus b' e an neach-stèidhidh aig Comunn Dràma na Gàidhlig. Bha e cuideachd na cho-neach-stèidhidh agus na cho-neach-deasachaidh (1952-1964) aig an iris ràitheil Gàidhlig, 'Gairm', a bha na dhòigh dheatamach cànan na Gàidhlig a sgaoileadh, gus an do sguir e ann an 2004. Bha Fionnlagh cuideachd na dheasaiche aig iris sgoil Phort Rìgh, 'An Cabairneach'.

Chaidh 'Crowdie and Cream' - 'Gruth is Uachdar - a chraoladh ann an 2002 na phrògram-shreath ann an dràma aig BBC Alba, air a stiùireadh le Bill MacLeòid.