Sneachd air an loidhne, Gallaibh

Air a' chairt-phuist seo, chithear crann-sneachda air trèana ann an Gallaibh. <br /> <br /> Bha na rathaidean-iarainn air Ghàidhealtachd buailteach a bhith a' faighinn droch gheamhraidhean gu h-àraidh anns an dàrna leth den 19mh linn, nuair a bha na loidhnichean ùr. Chaidh feansaichean a chur suas ach cha robh iad uamhasach èifeachdach. <br /> <br /> Sna 1860an chaidh croinn-shneachda a dheilbh agus a thogail aig ionad-obrach an rathaid-iarainn ann an Inbhir Nis. B' urrainn dhaibh cuitheachan cho domhainn ri 12 throigh a ghluasad. Bhiodh suas ri ceithir einnseanan air an ceangal ri chèile agus bhiodh an crann a' dèanamh 'ionnsaigh' air a' chuithe-sneachda bho mu leth-mhìle air falbh. Bha flapaichean cliathaich air lùdagan aca a ghabhadh am pasgadh nuair nach robh iad gan cleachdadh.<br /> <br /> Dh'fhosgail Loidhne a' Chinn a Tuath eadar Inbhir Nis agus Inbhir Ùige/Inbhir Theòrsa eadar 1862 agus 1874. Tha i còrr is 150 mìle a dh'fhaid agus 's i an rathad-iarainn as fhaide a tuath san Rìoghachd Aonaichte. <br /> <br /> Anns an aithisg ainmeil aige 'Reshaping Britain's Railways' ann an 1963, mhol an Dr Richard Beeching gum bu chòir Loidhne a' Chinn a Tuath a dhùnadh cho math ri Loidhne a' Chaoil agus Loidhne na Gàidhealtachd an Iar. Cha deach na loidhnichean seo a dhùnadh, ge-tà, agus tha Loidhne a' Chinn a Tuath fhathast fosgailte. <br /> <br /> <br /> S dòcha gum bi an ìomhaigh seo ri faotainn airson a ceannach.<br /> Airson tuilleadh fiosrachaidh mu cheannach is mu phrìsean cuir post-d gu:<br /> <a href="mailto: photographic.archive@highlifehighland.com">Highland Photographic Archive</a><br />