HR 68 "Muirtown"

Ghabh a phrìomh neach-cuideachaidh, Daibhidh Jones, àite Uilleam Stroudley mar àrd-neach-stiùiridh locothan aig Rathad-iarainn na Gàidhealtachd ann an 1870. B' e a' chiad loco a chaidh a thogail de dhealbhadh Jones an clas 'Duke 4-4-0 a bha ag obair air trèanaichean luath luchd-siubhail. Chaidh deich a thogail le Dübs ann an Glaschu ann an 1874 (àireamhan 60 gu 69) agus chaidh seachd eile a dhèanamh ann an Inbhir Nis eadar 1876 agus 1888 (àireamhan 4, 71 gu 75 agus 84. Glè thric thathar a' toirt iomradh air na trèanaichean a chaidh a dhèanamh an Inbhir Nis mar 'Lochgorm Bogies'.<br /> <br /> Tha an dealbh camara seo a' sealltainn HR 68 'Muirtown'. Chaidh a chrìochnachadh san Lùnastal 1874 agus b' e 'Caithness-shire' an t-ainm tùsail a bh' air. Chaidh a ath-ainmeachadh dà uair, an tòiseach 'Caithness' agus an uair sin 'Muirtown'. Chaidh ath-thogail dà uair cuideachd, sa Ghearran 1888 agus san t-Sultain 1898. Chaidh a thoirt à seirbheis mu dheireadh agus a reic ann an 1907. <br /> <br /> <br /> S dòcha gum bi an ìomhaigh seo ri faotainn airson a ceannach.<br /> Airson tuilleadh fiosrachaidh mu cheannach is mu phrìsean cuir post-d gu:<br /> <a href="mailto: photographic.archive@highlifehighland.com">Highland Photographic Archive</a><br />