Bàgh Ghleann Eilg

'S e baile beag air cladach Bàgh Ghleann Eilg, a' coimhead a-nall dhan Eilean Sgitheanach a th'ann an Gleann Eilg. Tha uisge air trì taobhan dheth - Loch Dubhthaich, Caol Shlèite is Loch Shùirn - is chan eil ach aon rathad a' dol a-steach dhan bhaile, thar Mam Ràtagan à Gleann Seile. 'S e 'Baile na h-Eaglaise' a bh'air a' bhaile chun an 18mh linn, oir dh'fhàs am baile mu thimcheall na h-eaglais is dh'fhàs e na bu mhotha nuair a thàinig an t-arm is a chaidh Taighean-feachd Bheàrnaraigh a thogail ann an 1717. Tha am baile ainmeil mar àite far a bheil dà dhùn à Linn an Iarainn a th'ann an deagh staid, is bha e na phrìomh àite-coinneachaidh aig na dròbhairean eadar An t-Eilean Sgitheanach is tìr-mòr. Tha bàt'-aiseig bheag fhathast a' dol eadar an dà àite anns an t-samhradh. 'S e Taigh-òsta Ghleann Eilg an togalach mòr air an làimh dheis. Chaidh e na theine ann an 1947 <br /> <br /> <br /> Faodar an dealbh seo a cheannach.<br /> Airson tuilleadh fiosrachaidh mu cheannach is prìsean, cuir post-d gu: <a href= "mailto: skyeandlochalsh.archives@highlifehighland.com" >Skye and Lochalsh Archives</a> <br /> <br /> <br /> Faodar an dealbh seo a cheannach.<br /> Airson tuilleadh fiosrachaidh mu cheannach is prìsean, cuir post-d gu: <a href= "mailto: skyeandlochalsh.archives@highlifehighland.com" >Skye and Lochalsh Archives</a>