Ionad Sgithidh a' Mhonaidh Ruaidh

Thòisich obair air togail ionad-sgithidh a' Mhonaidh Ruaidh anns na 1960an agus is e an dàrna ionad-sgithidh as motha ann an Alba. Tha a' mhòr-chuid den sgitheadh a' dol air adhart air Coire Cas. Bha na geamhraidhean sna 1980an gu math freagarrach airson sgitheadh agus chleachd na mìltean an ionad-sgithidh, ach chuir ceistean a thaobh na h-àrainneachd stad air leudachadh. Leis nach robh sneachd gu leòr ann sna 1990an agus sna 2000an, tha àireamhan luchd-sgithidh air tuiteam agus tha seo air ceistean a thogail mu sheasmhachd an ionaid-sgithidh. <br /> <br /> <br /> Anns na 1990an bha a' mhòr-chuid den bhun-structar air fàs aosta agus nas dorra a chumail a' dol. Ged a bha a' mhòr-chuid de na slaodan-sgithidh gu bhith air an cumail, mhol Companaidh Liofta-togail a' Mhonaidh Ruaidh gun rachadh Rèile-beinne a chur an àite na prìomh liofta-togail. Is e moladh connspaideach a bha seo agus chuir buidhnean àrainneachd na aghaidh. Chaidh co-rèiteachadh a dhèanamh ge-tà agus chaidh Rèile-beinne a' Mhonaidh Ruaidh a thogail. <br /> <br /> A chionn 's nach eil uiread de shneachd air a bhith ann anns na geamhraidhean bho chionn goirid agus a chionn 's gu bheil àireamh an luchd-sgithidh air ìsleachadh, tha daoine a' tighinn aig amannan eile den bliadhna air fàs nas cudromaiche. Tha tòrr a' tighinn gus na seallaidhean fhaicinn air an rèile-beinne (ged nach fhaod iad a dhol air a' bheinn fhèin bhon ionad luchd-turais aig mullach na loidhne) agus gus na lusan beinne fhaicinn a tha a' fàs anns a' Mhonadh Ruadh