Loch Ma-Ruibhe bhon Iar

'S e Loch Ma-Ruibhe loch ann an Ros agus Cromba ann an iar thuath Gàidhealtachd na h-Alba. Tha e 20 cilemeatair a dh'fhaid agus 4 cilemeatairean a leud far as leatha e, agus 's e an ceathramh loch fìor-uisge as motha ann an Alba. 'S e 28.6 cilemeatairean ceàrnagach (11.0 mìle ceàrnagach) am farsaingeachd uachdair aige.<br /> <br /> Tha còig eileanan mòra fo choille ann an Loch Ma-Ruibhe agus còrr is 25 eileanan nas lugha. Tha mainearach caibeil air Eilean Ma-Ruibhe, 's thathar a' creidsinn gur e seo dìthreabh on t-7mh linn leis an Naomh Maol Rubha. Air an aon eilean tha badan daraich agus cuilinn a th' air a bhith air an co-cheangal ri seann draoidhean na h-Alba. Bhathar a' cumail a-mach cuideachd gun robh leigheas ann an uisgeachan an locha, 's gun robh a bhith air do chur fon uisge na leigheas airson euslaint-inntinn. Tha eileanan an locha gu lèir nan sgìre glèidhteachais