MacBheathainn

"Chaidh "The Clans of the Scottish Highlands" le Seumas Logan fhoillseachadh mar chuimhneachan ceud bliadhna air Ar-a-mach nan Seumasach ann an 1745. Bha e dealbhaichte le Raibeart R MacIain.<br /> <br /> Chan eil cinnt dè dìreach bun Clann MhicBheathainn. Canaidh feadhainn gun do ghluais iad à Loch Abar le ban-oighre Clann Chatain agus gun do thuinich iad air taobh sear Siorrachd Inbhir Nis, ach canaidh feadhainn eile gur e cinneadh à Moireibh a th' annta a tha càirdeach do Chlann MhicBheatha. Tha e cinnteach gun robh ceanglaichean tràtha aca ri Clann an Tòisich ann an co-chaidreachas Clann Chatain. Bha Maoileas MacBheathainn na fhear-taic daingeann do Mhac an Tòisich a bha a' sabaid airson Raibeirt Bhruis an aghaidh a' Chuimein Ruaidh, agus aig Cath Gairbheach ann an 1411 thàinig call mòr air Clann MhicBheathainn 's iad a' sabaid airson Mhic an Tòisich. B' e am prìomh theaghlach MacBheathainn Kinchyle agus shoidhnig iadsan grunn chùmhnantan cudromach le Clann Chatain ann an 1609, 1664 agus 1756.<br /> <br /> Tha deagh chliù aig Clann MhicBheathainn airson an sgilean sabaid agus bha iad air leth aig Blàr Chùil Lodair. Mharbh Gilliosa MacBheathainn ceithir saighdearan Hanobhairianach deug 's e a' lìonadh beàrn ann am balla, mus deach e fhèin a mharbhadh. Bha cuid