Plana-làir de Chathair-eaglais na Cananaich, an t-Eilean Dubh

Seo plana-làir de Chathair-eaglais na Cananaich a bheir sealladh air an togalach mar a bha e bho thùs. Thàinig an dealbh seo à leabhar Aonghas J Peutan, 'Illustrated Guide to Fortrose and Vicinity, with an appendix on the Antiquities of the Black Isle', a chaidh fhoillseachadh ann an Inbhir Nis ann an 1885.<br /> <br /> Chaidh a' chathair-eaglais a thogail an toiseach ann an 1250 ach chan eil mòran dhen togalach sin air fhàgail.<br /> <br /> Tha na pìosan a tha nan seasamh fhathast air an comharrachadh ann an dubh air a' phlana seo. 'S iad sin an trannsa a deas gu ionad na h-altair, an trannsa a deas gu meadhan na h-eaglais, agus an seòmar cruinneachaidh fa leth. 'S e a' phàirt as sine den chathair-eaglais fo-chroit an t-seòmair cruinneachaidh a chaidh a thogail timcheall air 1235. Tha a' chòrr cho aost ri deireadh an 14mh agus toiseach a' 15mh linn.<br /> <br /> Aig àm an Ath-leasachaidh bha a' chathair eaglais feumach air obair a dhèanamh oirre agus chaidh pàirt dhith a chàradh. Tha e air a ràdh gun tug Crombail leis a' chuid a bu mhotha den chloich anns na 1650an gus an togadh e an gearasdan ann an Inbhir Nis