Leac Chroise Sheannduaig

Tha Clach Sheannduaig na seasamh air cnoc os cionn baile Sheannduaig, a' coimhead a-mach dhan mhuir. Tha a' chlach air ainmeachadh mar 'Clach a' Charraidh' no 'Clach nan Uaighean', oir chaidh cladh a chlàradh an sin anns an 19mh linn.<br /> <br /> 'S e Clach Chruithneach Clas II on 8mh no an 9mh linn a th'ann an Clach Sheannduaig. Mar bu trice, 's e leac cheithir-cheàrnach air a thoirt à tochladh is air a ghearradh a th'ann an clach Clas II. Tha an snaidheadh air gach clach gu math driamanach, ioma-lùbach is air a thogail on uachdar, le snaidheadh de chrois Chrìosdail air aon taobh. Tha samhlaidhean is seallaidhean Cruithneach air an taobh eile.<br /> <br /> Tha Clach Sheannduaig mu 10 troighean (3 meatairean) a dh'àirde, is chaidh a leagail ann an gèile ann an 1846. Chaidh a cur air ais far an robh i o thùs on uairsin, ach tha i dìonta ann am bocsa glainne a-nis.<br /> <br /> Tha an dealbh seo a' sealltainn taobh na croise den chloich. Tha a' chrois air a gràbhaladh le balgan ag èirigh bhon uachdar is le cuairteagan co-cheangailte.<br /> <br /> Chaidh an dealbh seo a thoirt o 'Archaeologia Scotica or Transactions of the Society of Antiquaries of Scotland, vol IV, part III'