Agallamh le Alix Allison mun bhanais aice àm a' chogaidh

Tha Alix Allison a' freagairt cheistean mun bhanais aice àm a' chogaidh ann an Ros an Ear.<br /> <br /> An robh an dreasa agaibh a' còrdadh ruibh nuair a bha sibh a' pòsadh?<br /> <br /> Uill, fhuair mi iasad dhen dreasa agam, a dh'innseadh na fìrinn. Cha robh e, bha e, fhuair mi iasad de dhreasa bainnse agus dh'fheumainn na bileagan a ghlèidheadh airson mo thrusgan falbh, going away outfit. Sin mar a bha e. Cha robh cus aodaich againn sna làithean sin. Chan ann mar a tha cùisean an-diugh. <br /> <br /> An robh cèic bainnse agaibh?<br /> <br /> O bha. Bha cèic bainnse agam. Ach bha e fo chuibhreann. Nuair a bha mo bhanais ann, chan fhaodainn ach, cha ghabhadh iad ach an uiread de dhaoine san taigh-òsta. Chan ann mar a tha iad an-diugh. Dh'fheumadh tu d' àireamhan a chunntadh, agus chaidh sin a roinn. Seadh, gu dearbh. Bha mu thrì fichead, seasgad, a bh' aig mo bhanais-sa. Bha trithead, deich air fhichead air gach taobh agus tha eagal orm gu robh mòran a luthaiginn a bhith ann ach nach b' urrainn dhomh a thoirt ann. Dìreach na càirdean a b' fhaisge: d' athair 's do mhàthair agus peathraichean do phàrantan ma bha sin agad, no do pheathraichean fhèin 's do bhràithrean; bha iad sin ann ach siud e. <br /> <br /> An robh deise aig fear na bainnse aig do bhanais?<br /> <br /> O bha, bha! Bha deise 'utility' aigesan. Dh'fheumadh esan a bhileagan fhaighinn agus sin a chunntadh; bha deise utility aige. Agus fhuair mise iasad de dhreasa gheal, 's mar sin a bha. Fhuair mi iasad dhen dreasa bho, uill, 's ann an Inbhir Pheofharain a bha i. 'S e piuthar mo nighean bainnse a bh' innte, sin ise. Fhuair i e air a dhèanamh agus gu fortanach 's ann a bha e am meud ceart dhomhsa. Mur nach biodh sin, chan eil fhios agam dè bhithinn air dèanamh. [Gàireachdainn] 'S cinnteach gum feumainn a dhol ann ann an deise. <br /> <br /> Chaidh an t-agallamh seo a chlàradh mar phàirt de phròiseact 'Maoir rannsachaidh a' Chogaidh' ann an 2005 ann am Bun-sgoil Ard Rois.